De Poelente

deur Wim van Henk en Derrekien

Ik wete niet meer in welk jör ut was, ik was nog een klein rotjong, toen de breurs en Lou ies

een kere met de busse van Stutvoet noor de joorbeurs waarn ewest. Op de weg terug kreegn ze onger en besleutn um in Oevelaken be-j t, zwaantjen te goan schaften. De ober die sprak oog aarlemmerdieks,dus een nette tente wast vast wel. Hej nam vlot de bestellign op tot ie be-j de loodlappe an kwam. Hei zei “en meneer wat wilt u gebruiken?”. Now zeeg Lou “doet mien maar gebröden poelente met beunties”. De ober vreug em natuurlik , wat bedoelt meneer, nou wat ik zegge, poelente met beunties. Zoging det nog eem deur tot Lou zeeg, nou doet mien dan maar een lappe vleis met beunties. Now det snappn ie gelukkig.

As iederene klör was met eten, kwam ie nog ies langs voor een puddinkien. Bi-j Lou anekoomn wast weer raak, “doet mien maar koffie met un maaln môppien.Deur snappen ie natuurlijk ook niks van en met een bietien een en weer pröten, zeeg Lou, now doet dan maar koffie met een pielemoppe, iederen weer lachn netuurlik. Het ende vant lietien was dat ie koffie met een amersfoortse moppe kreeg. Tegn Derk die nost um zat “ze verstôn ier niet ies fesoenlik nederlans. Ze emp nog lange nô a lachn op de weg nôr uus.


Ps. Maaln môppies bint gewone beschwiegies en pielemoppen bint van die platte vulkoekn met un neute drop, ze bint vernuumt nôr bakker Pieltjes die op de oek van de Oldestrôte en de karkstrôte woonn, vandör. En de skeldname loodlappe em jullie vast wel esnapt. Lou zien va was nl. loodgieter.

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s

%d bloggers op de volgende wijze: